27
Mon, Mar

ግጥሚ
Typography

መርሓባ ዘመን

. . . . . . . . . . . . . . . . . . . . . .. . . . . .. . . . . . .. . . . . . . . . . . . . . . . . . . . . . . . .. . . . . .. . . . . . .. . . . . . . . . . . . . . . . . . . . . . . . .. . . . . .. . . . . . .. . .

ዘመን ማህደር ኩሉ ትሰትር

ምህርቲ ተርእዮታት በብሓደ ተዘክር

ሕማቕ ይኹን ጽቡቕ ትሕብር

ተበጊሳ ክትስንድ ደሞክራስያዊ ማዕበል፣

                                           ኤ.ስ.ደ.ለ. መሪጽኩም ጽቡቕ ስም

                                          መርበብ ሓቤራታትኩም ሰይምክሞ ዘመን

                                          ልሳን ናይ ዉጽዓት ምስ ሓፋሽ ክትውግን

                                          ዘመን ፍትሒ ክነግስ ክእለ ዘመን በደል፣

ዘመን ሰዓትያ ጊዜ ትቈጻጸር

ተዓዛቢት’ያ ብትዕግስቲ ትከታተል

ዓይኒ’ሎዋ ትጥምት እዝኒ’ሎዋ ትሰምዕ

ዘመን ጉዕዞ’ያ ናይ ሂወት መንኮርኮር፣

                                         ወጽዓ ስንኩላትና ዘቃልዕት

                                         ግፍዒ ጀጋኑና ዝሓበረት ዝሰነደት

                                         መንዩ ፈጻሚኡ ዓው ኢላ ዘስመዕት

                                        ሓያል’ያ ዘመን ንኹሉ ዝመስከረት፣

ዘመን ቃልሲ ኣብቂዑ ነጻነት ኣምጺእና

ፋሺሽቲ ነጊሱ ኣብ ልዕሌና

ዘመን ወጽዓ ኰይኑ ከፊኡና

ዘመን ጥፍኣት ብርሰት ዜጋታትና

ሓዲሽ ምዕራፍ ክንፍውን ምስ መሪሕ ውድብና፣

                                        ዘመን ወጽዓ ክንቅይሮ ብሓዲሽ ዘመን

                                        ህዝባዊ ወሳንነት ዘታኣማምን

                                        ብንቕሓት ስነ-ፍልጠት ዝስጉም

                                        ተሳትፎ ሓፋሽ ዝዕድም

                                        ህዝብን ሃገርን ዘድሕን

                                        ምስ ምዕቡል ዓለምና ዘሰጉም

                                        ክንስራዕ ኣብ 21 ክፍለ ዘመን

                                        ክሃንጽ ደሞክራሲያዊት ሃገር

                                        ሓቢርና ንነብረላ ብሰላም፤

 ዓወት ንዉጹዕ ህዝብና

ዕንወት ንጸላእትና

ዘልኣለማዊ ዝኽርን ክብርን ንሰማኣታትና

ተስፋይ ክፍለ (ደላይ ፍትሒ)  ---- ሓምለ 23, 2015